जलेश्वर । महोत्तरीमा लागूऔषधसहित एक दम्पत्तिसहित तीनजना पक्राउ परेका छन् ।

पक्राउ पर्नेमा सिन्धुलीको दुधौली नगरपालिका १० का २७ वर्षीय प्रदिप सेन्चुरी, उनका श्रीमती २६ वर्षीया दिलमाया भुजेल र २२ वर्षीय बिशाल सेन्चुरी रहेको जिल्ला प्रहरी कार्यालय महोत्तरीले जनाएको छ ।

आइतवार दिउँसो औरही नगरपालिका ४ कठुधारस्थित प्रहरी टोलीले चेक जाँच गर्ने क्रममा पैदल यात्री तीनैजनालाई शंकाको आधारमा चेकजाँच गर्दा उनीहरुको साथबाट नाइट्राभेट ट्याब्लेट ९९ पिस बरामद गरिएको प्रहरी प्रवक्ता प्रहरी नायव उपरीक्षक प्रकाश विष्टले जानकारी दिए ।

यस सम्बन्धमा थप अनुसन्धान भइरहेको जिल्ला प्रहरी कार्यालय महोत्तरीले जनाएको छ ।