जनकपुरधाम । धनुषा प्रहरीले लागूऔषधसहित एक जनालाई पक्राउ गरेको छ । पक्राउ पर्नेमा जनकपुरधाम उपमहानगरपालिका–१ बस्ने २४ वर्षीय प्रकाश साह रहेको प्रहरीले जनाएको छ । उनको साथबाट प्रतिबन्धित लागूऔषध NITRAVET®–10 लेखिएको ३०० ट्याब्लेट बरामद गरिएको प्रहरीले जनाएको छ । प्रहरीले २ वटा मोवाईल समेत फेला पारेको थियो ।

जनकपुरधाम उप–महानगरपालिका वडा नं. १ स्थित रघुपति पार्टी प्यालेसको निर्माणाधीन अवस्थामा रहेको भन्सा कोठा नजिकै बसिरहेको साहको खानतलासी गर्दा सो परिमाणमा लागूऔषध बरामद भएको जिल्ला प्रहरी कार्यालय जनकपुरले जनाएको छ ।

साहलाई लागूऔषध मुद्दामा म्याद लिई थप अनुसन्धान कार्य भइरहेको छ ।