एसिया कप २०२२ शनिबारबाट सुरु हुँदैछ । प्रतियोगिताको पहिलो खेलमा श्रीलंका र अफगानिस्तानको टोली आमनेसामने हुनेछन् ।
यो खेल दुबई अन्तर्राष्ट्रिय क्रिकेट रंगशालामा हुनेछ । खेल नेपाली समय अनुसार साँझ ७:४५ बजे सुरु हुनेछ ।
प्रत्येक चार वर्षमा आयोजना हुने प्रतियोगिता दोस्रो पटक टी–२० फर्म्याटमा आयोजना हुन लागेको हो। यसअघि २०१६ मा टी–२० विश्वकपलाई ध्यानमा राख्दै पहिलो पटक एसियाकप टी–२० फर्म्याटमा गरिएको थियो।यो वर्ष पनि अस्ट्रेलियामा हुने टी–२० विश्वकपलाई ध्यानमा राख्दै एसियाकप टी–२० फर्म्याटमा गर्न लागिएको हो।

यस प्रतियोगितामा कुल ६ टिमलाई २ समूहमा विभाजन गरिएको हो । समूह A. मा भारत, पाकिस्तान र हङकङ रहँदा समूह B. मा श्रीलंका, अफगानिस्तान र बंगलादेश रहेका छन्।

भोली दोस्रो खेल अन्तर्गत भारत र पाकिस्तानबीच प्रतिस्पर्धा हुनेछ ।