जनकपुरधाम । धनुषा प्रहरीले नेपालबाट भारततर्पm लैजादै गरेको मदिरा बरामद गरेको छ । शनिबार दिउँसो जनकनन्दनी गाउँपालिका–१ ईनर्वास्थित नेपालबाट भारत तर्फ मदिरा ओसारपोसार भइरहेको सूचनाको आधारमा खटिएको प्रहरी टोलीले मदिरा बरामद गरेको हो ।

ईलाका प्रहरी कार्यालय खजुरी धनुषाबाट प्रहरी निरीक्षक कमाण्डमा खटिएको प्रहरी टोलीले उक्त स्थानमा मानिसहरूले प्लाष्टिकको बोरा भित्र सोफी मदिराका कार्टुनहरु टाउकोमा बोकी नेपालबाट भारत तर्फ जाँदै गरेको अवस्थामा प्रहरी टोलीलाई देखेर फरार भएका थिए ।

उक्त मदिराको कार्टुनहरू सोही स्थानमा छाडि मानिसहरू फरार भएकोमा स्थानीय मानिसहरूको रोहवरमा मामश्री लेखिएको मदिरा ८० काटुन र कस्तुरी लेखिएको मदिरा ८० काटुन समेत गरि जम्मा १६० काटुन बरामद गरिएको जिल्ला प्रहरी कार्यालय धनुषाले जनाएको छ । बरामद गरिएको मदिराको बजार मुल्य ८० हजार बताइएको छ । बरामद भएको सोफी मदिरा रित पुर्वक बरामद गरि ईलाका प्रहरी कार्यालय खजुरी धनुषामा ल्याई आवश्यक कार्वाहीको लागि आन्तरिक राजश्व कार्यालय जनकपुरमा बुझाउने भएको छ ।