गौर । रौतहट प्रहरीले सदरमुकाम गौरबाट २०४ किलो अवैध लागुऔषध गाँजा बरामद गरेको छ ।

आइतबारराति गौर–२ बकैया नदीको किनारबाट सो गाँजा बरामद भएको हो ।

अस्थायी प्रहरी पोष्ट महादेवपट्टी र सशस्त्र प्रहरीबल नेपाल वेस क्याम्प गौरबाट खटिएको संयुक्त गस्ती टोलीले सो गाँजा बरामद गरेको जिल्ला प्रहरी कार्यालय रौतहटले जनाएको छ ।

भारततर्फ लैजादै गरेको १७ वटा पोकामा रहेको सो गाँजा सुरक्षाकर्मीलाई देखेपछि तस्कर समुहले फालेर भागेको र उक्त लागु औषध वेवारीसे अवश्थामा फेला परेको जिल्ला प्रहरी कार्यालय रौतहटका प्रवक्ता, डिएसपी सुनिल मल्लले बताए ।