भन्सार विभागले सार्वजनिक गरेको तथ्याङ्क अनुसार  असोज मसान्तसम्ममा ६ अर्ब १८ करोड ६६ लाख २९ हजार रुपैयाँ मूल्य बराबरका ४ लाख ६८ हजार ४६१ वटा स्मार्टफोन आयात भएका छन् ।यी सबै स्मार्टफोन चीनबाट आयात भएको विभागले जानकारी दिएको छ । विभागले दिएको तथ्याङ्कको विश्लेषण गर्दा नेपालमा आयात भएका चिनियाँ स्मार्टफोनको औसत मूल्य प्रतिफोन १३ हजार २ सय रुपैयाँको हाराहारीमा पर्ने देखिएको छ ।मूल्यका आधारमा हेर्दा नेपालमा सुनभन्दा बढी मूल्यका स्मार्टफोन आयात हुन थालेको देखिन्छ । चालु आर्थिक वर्षको तीन महिनामा ४ अर्ब ६१ लाख ८६ हजार रुपैयाँ बराबरको सुन आयात भएको छ । सुनभन्दा झन्डै २ अर्ब रुपैयाँ बढीको चिनियाँ स्मार्टफोन आयात भएको देखिएको हो ।